Shqipëria, nëpërmjet Agjencisë Shtetërore të Programimit Strategjik dhe Koordinimit të Ndihmës (SASPAC) dhe Agjencia Franceze e Zhvillimit (AFD) nënshkruajnë Memorandumin e Mirëkuptimit (MM) për të mbështetur një program investimesh të reja të cilat mund të tejkalojnë 600 milionë euro deri në vitin 2027.

Në kuadër të vizitës zyrtare bilaterale të Presidentit Emanuel Macron në Shqipëri, është ndërmarrë një hap para drejt intensifikimit të zhvillimit të qëndrueshëm në Shqipëri. AFD dhe qeveria Shqiptare konsolidojnë dhe konkretizojnë partneritetin, duke u angazhuar të punojnë mbi një program të ri investimesh që mund të tejkalojë 600 milionë Euro deri në 2027, program i cili do të bazohet në prioritetet e Shqiperisë në kuadër të agjendës së gjelbër dhe udhërrëfyesit të anëtarësimit në BE.

Ky Memorandum Mirëkuptimi, i nënshkruar sot në Tiranë, dëshmon një përkushtim të përbashkët ndaj fushave prioritare që lidhen me programet kyçe të reformës dhe investimet në rritjen e gjelbër, energji, ujësjellës-kanalizime dhe përfshirje sociale, në përputhje me perspektivën e anëtarësimit të Shqipërisë në BE. Z. Ilir Beqaj, Drejtor i Agjencisë Shtetërore të Programimit Strategjik dhe Koordinimit të Ndihmës (SASPAC) dhe Z. Cyrille Bellier, Drejtor i Departamentit të Evropës Lindore, Lindjes së Mesme dhe Azisë të AFD-së, konfirmuan këtë angazhim në prani të Presidentit francez, Z. Emmanuel Macron dhe Kryeministrit Shqiptar, Z. Edi Rama, me rastin e vizitës së parë të një Presidenti Francez në Shqipëri që nga pavarësia e saj në 1912.

Z. Ilir Beqaj theksoi rëndësinë e këtij partneriteti në arritjen e prioriteteve strategjike të Shqipërisë në fushën e Energjisë, Tranzicionit të Gjelbër dhe Zhvillimit Urban, Transformimit Dixhital dhe Ekonomisë Blu, në përputhje për të përmbushur objektivat drejt integrimit europian dhe atyre të Agjendës Jeshile
Z. Cyrille Bellier u shpreh se Memorandumi i Mirëkuptimit thekson angazhimin konstant të AFD-së për të mbështetur Shqipërinë në rrugën e saj drejt anëtarësimit në BE, duke mbështetur projekte dhe politika që përfshijnë rritjen e mirëqenies, ruajtjen e mjedisit dhe klimës. Marrëveshja historike e sotme jo vetëm që tregon cilësinë e bashkëpunimit tonë deri sot, por gjithashtu hedh themele e për një partneritet edhe më të fortë në vitet në vazhdimër më tepër, ky Memorandum Mirëkuptimi përfaqëson më shumë sesa thjesht një bashkëpunim financiar. Aimishëron një ambicie të përbashkët të Shqipërisë dhe Francës për të çuar përpara objektivat e përbashkëta, duke krijuar një të ardhme ku rritja gjithëpërfshirëse dhe praktikat e qëndrueshme janë parësore. Ai kontribuon në rrugëtimin e Shqipërisë për të arritur objektivat më të rëndësishme sociale, ekonomike dhe mjedisore me një partner të besueshëm në krah për të arritur synime konkrete. AFD, një partner i rëndësishëm zhvillimi për Shqipërinë që nga viti 2019, përafron strategjitë e saj me një mandat të fuqishëm për të shoqëruar Shqipërinë drejt përmbushjes së standardeve europiane dhe zbatimit të Marrëveshjes së Parisit mbir ndryshimet klimatike. Deri më tani, ky partneritet ka sjellë 340 milionë euro të angazhuara në projekte që fokusohen në energji, furnizimin me ujë, menaxhimin e mbetjeve, ruajtjen e biodiversitetit dhe barazinë gjinore.

Z. Ilir Beqaj theksoi se Memorandumi i Mirëkuptimit i sotëm nënkupton më shumë se bashkëpunim; ai simbolizon një bashkim vizionesh dhe aspiratash midis Shqipërisë dhe Francës. Një vend themelues i Bashkimit Evropian dhe një vend kandidat për anëtarësim në BE. Ne përballemi me sfida të përbashkëta si demografia dhe ndryshimet klimatike. Ne gjithashtu duhet të përballemi me kërcënime të përbashkëta. Nga konfliktet e armatosura te teknologjia artificiale ose pandemitë. Përkushtimi ynë i përbashkët për financime të konsiderueshme të projektit vë në dukje qasjen tonë të përkushtuar jo vetëm për forcimin e mjedisit socio-ekonomik të Shqipërisë, por edhe për krijimin e një të ardhmeje ku qëndrueshmëria dhe rritja gjithëpërfshirëse janë të rrenjosura në zhvillimin tonë.

Me AFD-në në krah, ne jo vetëm po parashikojmë, por po krijojmë një të ardhme që përshtatet me prosperitet, barazi dhe stabilitet për çdo qytetar shqiptar. Besimi që AFD ka në partneritetin me ne është një shenjë e pjekurisë së vendit, e institucioneve dhe ekspertëve shqiptarë. Ky memorandum nuk është thjesht një marrëveshje, por një premtim për popullin tonë dhe për brezat që do të vijnë.

Rreth AFD
AFD Group kontribuon në zbatimin e politikave të Francës për zhvillim të qëndrueshëm dhe solidaritet ndërkombëtar. Grupi përfshin Agjensinë Franceze të Zhvillimit (AFD), e cila financon sektorin publik, OJQ-të, kërkimin dhe trajnimin; filialin e saj Proparco, i cili i dedikohet sektorit privat; dhe Expertise France, një agjenci bashkëpunimi teknik. Grupi financon, mbështet dhe përshpejton tranzicionet e nevojshme për një botë më të drejtë dhe më elastike. Grupi AFD është i pranishëm në Ballkanin Perëndimor që nga viti 2019 dhe i është dhënë një mandat për të mbështetur vendet në rajon për të përmbushur standardet e BE-së dhe për të zbatuar Marrëveshjen e Parisit për ndryshimet klimatike drejt një trajektoreje gjithëpërfshirëse dhe uljes së emisioneve te karbonit. Që atëherë, më shumë se 1 miliardë euro janë angazhuar nga AFD Group në rajonin e Ballkanit Perëndimor, nga të cilat 340 milionë euro në Shqipëri.